Республикăн мухтавлă çыннисене халалласа 2022 çула Мухтавлă  ентешсен çулталăкĕ тесе пăлăртнă. Пуш уйăхĕн 10-мĕшĕнче районти ача-пăча пултарулăх çуртĕнче Петĕр Ялкир (Тихонов Петр Алексеевич) çуралнăранпа 100 çул çитнине халалласа викторина иртрĕ. Петĕр Ялкир 1922 çулхи нарăс уйăхĕн 19- мĕшĕнче Чăваш Енĕн Хĕрлĕ Чутай районĕнчи Çĕн Ирчемес ялĕнче çуралнă, Вăрнар тăрăхӗнче чылай çул пурăннă. Вăл 50 кĕнеке кăларнă, унăн сăввисемпе 250 ытла юрă кĕвĕленĕ. Петĕр Ялкирăн «Чăваш Литератури энциклопедийĕ» (1999) кĕнекине кăларнин ĕçĕ пысăк. 2005 çулта ку кĕнеке вырăсла «Литературный мир Чувашии» ятпа тухнă. Ку кĕнекере 600 ытла хушамат асаннă. 

 Викторинăна 6-7-мĕш классенче вĕренекенсем хутшăнчĕç. Петĕр Ялкир пултарулăхĕ тăрăх хатĕрленĕ викторинăра пурĕ 15 ыйту пулчĕ. Пирӗн шкулта 7-мӗш класра вӗренекен Кроткова Мария -  Çĕнтерÿçĕ, 6-мӗш класри Сорокина Милена – призер пулчӗç. Маттурсем!!! Саламлатпăр, малашне те çитӗнӱсем сунатпăр!