Сывлăха мĕн пĕчĕкрен çирĕплетсе пымаллине асра тытса 5-6 –мĕш классен ертÿçисем  вĕренекенсене Вăрнарти «Кристалл» пăр керменне илсе кайрĕç. Хăш-пĕрисем кунта пĕрре те пулман, хăшĕ-пĕри тата коньки çине те пĕрремĕш хут тăчĕ. Сехет çурă сисĕнмесĕрех иртсе кайрĕ. Ачасем ярăнма та вĕренчĕç, хăваламалла та вылярĕç, пĕрле те, уйрăмшарăн та сăн ÿкерĕнчĕç. Музейри «Ĕмĕрсен илемĕ» курав вара ачасем умне чăваш халăхĕн авалхи пурнăçне кăларса тăратрĕ, хальхи алă ăстисен ĕçĕсемпе паллаштарчĕ. Музейри экспонатсене, чĕр-чунсен кÿлеписене ачасем алăпа тытса пăхма та пултарчĕç. Тулли кăмăлпа таврăнчĕç вĕренекенсем Вăрнартан, тăрăшса вĕренме, Йĕпреçри бассейна кайма тĕллев лартрĕç.