И.Н. Ульянов ячĕллĕ Чăваш патшалăх университечĕн Вырăс тата чăваш филологийĕпе журналистика факультечĕ пултаруллă çамрăксене тупса палăртас, вĕсене чăваш чĕлхипе литературине, культурине тĕпчеме хавхалантарас, çав енĕпе аталанма, профессилле çул-йĕрне суйлама пулăшас  тата аслă пĕлÿ илмелли йĕркепе паллаштарас тĕллевсемпе Чăваш Енри  тата ун тулашĕнчи 8-11-мĕш классенче вĕренекен шкул ачисене «Сенкер инçет» олимпиадăна йыхравларĕ. Ăмăртăва хутшăнакансен хăйсен пĕлĕвне çак предметсемпе кăтартма май пулчĕ: чăваш чĕлхипе литератури(чăваш шкулĕсем); чăваш чĕлхипе литератури(вырăс шкулĕсем). I тапхăр(куçăн мар) тĕнче тетелĕнче паян иртрĕ. II тапхăрĕ куçăн мелпе 2016 çулăн I кварталĕнче иртĕ. Пирĕн  шкул ачисем те çак олимпиадăра хастар хутшăнса пысăк баллсем илме пултарчĕç. II тапхăра чĕнессе чăтăмсăррăн кĕтеççĕ.