Căвă илемлĕ вулас тесен кашнин чун туйăмĕ пысăк пулмалла, сăвва чун-чĕре витĕр кăлармалла. Чăваш чĕлхи эрнинче вĕренекенсем хăйсен пултарулăхне «Сăвă илемлĕ вулакансен» конкурсĕнче туллин кăтартма пултарчĕç. Тĕрлĕ çыравçăсен:А.Савельев-Сас, А.Кăлкан, Петĕр Хусанкай, Николай Сандров, Митта Ваçлейĕ, Георгий Ефимов, Н.Шелепи, В.Давыдов-Анатри, Порфирий Афанасьев сăввисем хăватлăн та илемлĕн янăрарĕç. Кĕçĕн классем хушшинче 4-мĕш класра вĕренекен Кузьмина Ксения, Павлова Анастасия çĕнтерÿçĕ ята тивĕçрĕç. Вăтам классем хушшинче – 5-мĕш класра вĕренекен Федорова Ольга тата 8-мĕш класри Шумилова Анастасия. Аслă классенчен пуринчен те маттурри Муракова Мария пулчĕ.