Чăваш Ен Пуçлăхĕ Михаил Игнатьев çамрăксемпе студентсене творчествăри ăнтăлушăн ятарлă стипенди парса чысларĕ. Ăна вĕренÿре, ĕçре, бизнес-проектированире, наукăра, производствăра, ертсе пырас ĕçре палăрнă пĕр пин çамрăк тивĕçрĕ. Президент стипедиачĕсем хушшинче 2004-мĕш çулта кĕмĕл медальпе пирĕн шкултан вĕренсе тухнă, халĕ ял хуçалăх академийĕнче вăй хуракан О.Г.Афанасьева. Олеся шкулта чухнех питĕ пултаруллăччĕ. Унăн çитĕнĕвĕсем пире чунтанах савантараççĕ. Эпир ăна чĕререн саламлатпăр, ĕмĕчĕсене пурнăçа кĕртсе пыма ырлăх-сывлăх, телей, ăнăçусем сунатпăр!